Ezekiel 45
Leitang Hawmna
1“’Luah dinga leitang na hawm uh ciangin TOPA tungah gamkhen siangtho dingin adung tong 25,000, avai tong 20,000 ▼▼45.1 Septuagint (tg.3 le 5 le 48:9 zong en in) Hebrew ah 10,000
a pha leitang tanh khat na pia ding uh hi. Tua huam sung peuhmah a siangtho hi ding hi. 2Hih sung pan tong 500 ningkim munsiangtho ding hi dinga a kimkot ah tong 50 mun-awng hi ding hi. 3Gamkhen siangtho sung panin adung tong 25,000 ▼▼45.3 Tua in tai 7 bang (kilometre 12 bang)
avai tong 10,000 ▼▼45.3 Tua in tai 3 bang (kilometre 5 bang)
tehkhia in. Tua mun siangtho sung tengah Mun Siangtho Pen a om ding hi. 4Tua mun pen TOPA mai a naih, munsiangtho a nasem siampite ading a siangtho tuam mun hi ding hi. Tua mun ah munsiangtho a nasem siampite le TOPA mai-a nasem dinga a naite a om ding uh hi. 5Biakinnpi sunga nasem Levi-te in khuapi sungah a ten nadingun ▼▼45.5 Septuagint; Hebrew biakinnpi ah; amaute in inndei 20 a nei ding uh hi.
mun aliatna adung tong 25,000, avai tong 10,000 a nei ding uh hi. e 6 “‘Munsiangtho huam sung tawh kizomin avai tong 5,000, adung tong 25,000 munsiangtho tawh kimat dingin na pia ding uh a, tua pen Israel innkuanbup neihsa hi ding hi. f 7 “‘Gam-ukpa in a siangtho gamkhen le khuapi tanhna mun tawh kigizawngin leitang nei ding hi. Nitumna-lam pangah nitumna-lam kigi ciang, nisuahna-lam pangah nisuahna-lam kigi ciang mah, nitumna-lam kigi le nisuahna-lam kigi kikhungkhawm hilhelin asauna lam kikim dinga minam neu khat in a tanhna dong ban ding hi. 8Israel-te sungah hih leitang ama neihsa hi ding hi. Tua ciangin ka gam-ukte in ka mite nengniam nawn lo dinga a tuacih tangin Israel innkuante a beh zui-in leitang a neisak dimdiam ding uh hi. g 9 “‘Hih in Thupipen TOPA gen ahi hi: Israel gam-ukte aw, gamla tung si uh cia! Na ngongtatna uh le na mi netniamna uh khawlin thumaan thutangin na sem un. Ka mite nawlkhin nawn kei un, Thupipen TOPA in cikhia hi. 10Tehna maan, ephah ▼▼45.10 Ephah khat akeu tehna.
maan le bath ▼▼45.10 Bath khat atui tehna.
maan na zang ding uh hi. 11Ephah le bath a liatna kikim dinga, bath khat ciangin homer ▼▼45.11 Homer khat akeu tehna.
khat sehsawm suah seh khat ta dinga; ephah khat ciangin homer khat sehsawm suah seh khat ta ding hi; a nihin homer a kiteh hituak ding hi. 12Shekel ▼▼45.12 Shekel khat ounce 2/5 bang gik hi (gram 11.5 bang)
khat in gerah sawmnih khai ding hi. Shekel sawmnih a gawmna shekel sawmnih le nga a gawmna shekel sawm le nga ciangin mina ▼▼45.12 Tua in shekel 60; a kizangtang mina khat shekel 50 ahi hi.
khat tawh kikim ding hi. m Biaknate le Nisiangthote
13 “‘Hih in biakna-a na piak ding uh a tuam vilvel letsong hi a: mangbuh homer khat simin epha khat sehguk suah seh khat le mangbuh-ham homer khat simin epha khat sehguk suah seh khat ahi hi. 14Sathau piakzia ding sehna ah, bath in kiteh dinga cor khat simin (bath sawm ciangin homer khat tawh kikim ahi manin bath sawm ta ahikeh homer khat), bath khat sehsawm suah seh khat hi ding hi. 15Israel gam lohing ngi-ingeina muna kikhawi tuuhonte zanih ciangin tuu khat ta na pia ding uh hi. Hihte mite ading thoihdam nading hi-a, an-a biakna, meihal biakna le kilawmtakna biakna ▼▼45.15 Tang ngeina-in kilemna biakna tg.17 ah zong
-a zat ding ahi hi, Thupipen TOPA in cikhia hi. 16Israel gam-ukpa zat dingin gam mite khempeuh in hih a tuam vivel piakna a pia ding uh hi. 17Israel innkuan sunga a kisehsa pawite khempeuh - meihal biakna, an-a biakna le dawntheih-a biakna pawite, Khathak pawi le Sabbath-te ah gam-ukpa in a sik ding ama tavuan ahi hi. Amah in Israel innkuante thoihdam nading mawhna hanga biakna, an-a biakna, meihal biakna le kilawmtakna biaknate a sik ding hi. o 18 “‘Hih in Thupipen TOPA gen ahi hi: A kha masa a ni masapen ni-in kawkbaang lo bawngtalno khat paipihin munsiangtho na siansuah ding hi. 19Siampipa in mawhna hanga biakna sisan tawmkha la dinga biakinnpi kongkhak khuam, biakna-tau a tungnungpen kiu lite le tual sungnung kongpi khuamte nuh ding hi. 20Mi khatpeuh sawm khol lopi-in mawh a, a thusim kei khak leh cihna-in tua kha a ni sagih ni-in tua mah bangin na hih ding uh hi; tua bangin biakinnpi thoihdamna na bawl ding uh hi. p 21 “‘A kha masa sung a ni sawm le li ni-in Paisan Pawi na bawl ding uh hi; ni sagih sung sawt dinga tua sungin silngo kisawh lo anlum na ne ding uh hi. 22Tua ni-in gam-ukpa in amah le gam mite khempeuh ading mawhna hanga biakna ding bawngtal khat a pia ding hi. 23Tua Pawi kibawl ni sagih sung teng TOPA tungah meihal biakna dingin amah in kawkbaang lo bawngtal sagih pia dinga mawhna hanga biakna dingin keeltal khat a pia ding hi. 24Amah in keeltal khatah an-a biakna dingin ephah khat le tuutal khatah ephah khat mah, ephah khat ciangin sathau hin ▼▼45.24 Tua pen quart 4 bang (litre 4 bang)
khat a zuisak ding hi. 25 A kha sagihna a ni sawm le nga ni-a kipan Pawi kibawl ni sagih sungin mawhna hanga biakna, meihal biakna, an-a biakna le sathau tua zah mah a pia ding hi. r
Copyright information for
ZomZIV